Re: nur soviel zum Thema Hauptplatzbelebung
liaba schnitzlesser
bist net allan mit dera meinung. i hob scho in aundare beiträg über de schlechtn wirtsheusa in zentrum gschriebn. mi lossns in maunche net eine. i man do de noblpitzeria und a des lokal mit de klan teiern schnitzel. in aundere wexlns de biersorten ohne de kundschoft zu frogn und wern daun baumpert waun mas drauf aufmerksaum mocht.
is recht a gfrett. muast holt exminista wern oda zumindest vitzebuagamasta daus durtn urdentli bedient wirst. oda gschäftsmaun.
nimms net tragisch. geh zum libroitaliena oda zum chinesn. do is des essn guat und de preise ok. oda zun kaupa, laterndlwirt oda in da baunzn zum klugmeia. durt is bsunders guat und de leit sehr freindlich.
es warat net schlecht waun de politika amol schauatn wia de kundschoft von maunche wirtn bedient wiard. se sölba wern jo hofiart. und waun de wirtn schrein wird a fest am hauptplotz gmocht damits no mehr vadiena. des nennt ma daun hauptplotzbelebung - für an tog.
letzte zwa wochn woar i kraunk. net amoi des hainfölda bier hot ma gschmeckt. i hoff daus i neamd ohgaunga bin. da huba is ollweil so liab und schreibt ma zruck. i hob den eindruk er wül bei olle wissn wers san. a nochwuchspolitika a guata. leida hot er an bos und a patei de wos eam net wochsn lossn. hoffantli verderbns eam net weul jezt schreibt ea sogoar mir zruck. ols anziga politika. denan grinan bin i egal und da buargamasta hot aundere surgn scheinboar. und da bam der wos fia de klan leit is tuat a net reagiern. oda schreib i so an bledsinn? rechtschreibn kaun i net. nochn kriag woars net a so. vieleichd is des.
solaungs meine beitreg net ausehaun und da huba ma schreibt bin i zfriedn.
prost, i leg mi jezt ind sunn.
nichtsnutz