bamsterbn
jo traurig is des. da bam wül nima stodrod sei. hofantli bleibt ma no mei huaba. i sogs auwa glei daus i den aigna ned zrukhaum wül. des warad des schlimsde wos pasiarn kentat. dea suarm hod e scho wida lauta bledsin gschribn.
ea wiard ma obgen da bam. auwa warum is ea so augriart? es hod eam do kana wos gmochd. und gegn den vakauf von dera gstetn hetat ea wiarkle net so wedan miassn. iwaroi hod a sein senf dazuagebn. aa durtn wos eam nix aungen tuat.
auwa wea kumd wiarkle stod eam? oiso i tätad ma a frau winschn. de frau schoiz zum beispül. de schaurad guad aus aa no. und de wadln viare richdn tätats bei de rodn und schwoarzn aa.
de brauchn eh de schleg. mochn scho vül bledsin. des mit dera wiena strossn woar scho schlechd. mia wearns de sichd vabaun de hund de. da pfeul de wien süd und wia de spezi olle haassn de wearn se gfrein. haums jezn freie baun zun betoniarn. mechad ned wissn wia vü scho firte zun eireichn is.
waun i jedn tog bein sanadorium vuarbei gee daun grausds ma. a so a sauarei. olle bam wearn nidagmochd. risiche hittn wearn durtn higstölld. do ghearadn de politika scho urdantle ghaut. mid an von durtn hob i gred. des is a oarma hund. dea wont gaunz untn und wiard fost ka sun mear kriagn. ea ibalegt scho daus a wegaziagt.
no bledare ideen gibts mit da wintagossn. do hod ana gschribn daus guat warad a strosn hinzbaun damid ma a von wean hinfoarn kaun. a so hiarn rissiche idee. jezn kaun ma daun ned amoi sogn da bam wiards vahindan waun ea nima do sei wiard.
hin und wida ge i in woild aa. unlengsd bin i do owahoib von fridhof gaunga. oiso do fiarn sa se auf. ollas mochans hii. a so a pipn tans durtn einelegn. za wos des wida guat is. de soiln enda de strossn reparirn. bein baunhof do bein libro san de stana hinich. mi wundats daus do no neamd hiprakt hod. jorelaung is des scho a so. des intressiard neamd. auwa dea liar is jo a liawa am hauptploz schmehfiarn ois daus ea wos hakelt. zun baunhof kumd ea jo ned.
so jezn hoi i ma wida a hainfölda.
prost
nichtsnutz