Re: frage 2
dos wor guat, auf a bleede frog kunn ma gor nit ondas. dos biable mid da revolution in da adress. hota de letzdn zehn johr vaschlofn, ha? schee longsom foit ma auf, dassas bei eich do iagendwia ondare schuin gebn muass. ob schwoaz ob lib, wos hot ma denan biabalan do glernt, ha? aussi aus da schul und scho auf de leit loslassn? mid solche onsichtn? revolution: waun bei uns dahaam ana so kummd, dos erledigd de freiwillige feiawehr. brauchda nitamol dongscheen sogn geh zum buagamasta.
drum hobts a den passendn laundeshauptmau in keantn
sog amol, wos waasd denn du, ha? unsa londeshauptmonn is a obaösterreicha, aus gmundn, der is lei zu uns komman weuls ihm bei uns aso guad gfoid. passds liaba auf wos do so bei eich ollas zuagwondad is, wern scho aa obaösterreicha dabei sein. woats nua ob, kaum haums a schians platzale gfunden, gehn se a scho in de politik. dos is amol so. de, wo do aufgwoxn sein, wolln jo meistns nur dass nit schlechda wiad, fia de is jo in den letzdn johrzehnte meist a nit so schlechd gwesn. owa de, wo froh sei solltn dass a schianes platzale gfundn hom, de fongan noch a zwa drei johr on zum umadumatschantschn und woin ois vabeessan.